Inatsisartuni ullormut pisussat
Inatsisartut ataatsimiinneranni ullut ataatsimiiffiusut 25-ianni Naalakkersuisut inatsisissatut siunnersuutaat pingasut oqaluuserineqaqqaassapput.
Soraarnerussutisiaqarnissamut aaqqissuussinermut pinngitsoorani ilaanissaq, tikeraat ornittagaannik takornariartitsivinnillu pilersitsisarneq ingerlatsinerlu, akileraarutinullu inatsisimik allannguinissaq pillugit siunnersuuteqartoqarpoq.
Soraarnerussutisiaqarnissamullu aaqqissuussinermut pinngitsoorani ilaanissamut siunnernersuutip akileraarutinullu inatsisimik allannguinissamut siunnersuutip pingajussaarneqannginnerini ataatsimiititaliamit suliarineqaqqaassasut aningaasaqarnermut akileraatarnermullu ataatsimiititaliap siunnersuutit isumaliutissiissutaanni innersuussutigai.
Inatsisissatut siunnersuutit pingajuat, tassa tikeraat ornittagaannik takornariartitsivinnillu pilersitsisarneq ingerlatsinernerlu pillugit siunnersuut inuussutissarsiornermut ataatsimiititaliamit tapersersorneqarpoq.
Ataatsimiititaliarli arlalinnik innersuussuteqarpoq. Ilaatigut kommunit tikeraat ornittagassaannut sulianut peqataatinneqarnissaat innersuussutigineqarluni.
Isumaliutissiissutit ullormullu oqaluuserisassat Inatsisartut nittartagaanni Inatsisartut.gl-imi takusinnaavatit.
