Inatsisartuni ullormut pisussat

Siunnersuut Inatsisartuni ullormut oqaluuserisassani immikkoortut tallimaasut ilagaat.

Politikerit inuussutissarsiutinik ilinniartitsinerit oqallisigissavaat, kommunillu akornanni aningaasatigut naligiinnerulersitsinissaq siunertaralugu Naalakkersuisut kommunillu suleqatigiinnermik aallartitsinissaat pillugu Inuit Ataqatigiit aalajangiiffigisassatut siunnersuuteqarput. Kommunit ataasiakkaat suliassanik isumagisassaminnik kivitsinissaminnut periarfissaqarnissaat ilaatigut tamatumani siunertaavoq.

Partii Naleqqap siunnersuutigaa atorfimmut atatillugu inigisap sivikinnerpaamik ukiuni tallimani attartoreerneratigut attartortup nalinginnaasumik attartukkatut inigilersinnaassagaa. Ullumikkut attartortup ukiuni arfineq-marlunni inigereersimappagu aatsaat tamanna pisinnaavoq.