Inatsisartuni ullormut pisussat
Tassa Kultureqarnermut Naalakkersuisup Nivi Olsenip katersugaasiveqarneq pillugu inatsit pillugu inatsit oqaluuserineqartussani siullertut saqqummiutissavaa, Allagaateqarfeqarnerlu pillugu inatsit kingorna saqqummiutissallugu.
Taamaalereerpat Aningaasaqarnermut Naalakkersuisoq Andreas Uldum Naalakkersuisut sinnerlugit saqqummiussaqarumaarpoq, Umiarsualivimmiinnermut umiarsuarnilu takornarianik angallassisunik ilaasut akileraarutaat pillugit inatsit oqaluuserineqarumaarluni.
Aatsitassarsiorfigineqarusunngitsunik pilersitsinissaq
Inuiaqatigiit kissaataat tunngavigalugit nunap ilaani aatsitassarsiorfissanik inerisaaviusussanik pilersitsinissaq nunallu ilaani allani avatangiisit, ilorrisimaarneq, inuussutissarsiutit pioreersut assigisaalluunniit tunngavigalugit aatsitassarsiorfigineqarusunngitsunik pilersitsinissaq pillugu Inuit Ataqatigiit Inatsisartunut ilaasortaatitaat oqallisissiamik taava siunnersuusiorsimapput, innuttaasunik, soqutigisaqaqatigiinnik aalajangiisartunillu peqataatitsinikkut amerlasuunit akuuffigineqartumik oqallinnissamut toqqammaviulluni. Oqallisissiaq 2016-imi upernaakkut ataatsimiinnissaq nallertinnagu naammassineqareersimanissaa Inuit Ataqatigiit kissaatigaat.
Nutaamik kisitseriaaseqalernissamik siunnersuut
Kalaallit Nunaanni kisitsisit atorneqartut Danmarkimeersut taaserlugit kangiamiut kisitseriaasiannik taarserneqarsinnaanerat pillugu Demokraatit sinnerlugit Inatsisartuni ilaasortap Michael Rosingip apeqquteqaat aallaavigalugu oqallinnissamut siunnersuutaa Inatsisartut ullumikkut ataatsimiinneranni naggasiutigalugu oqallisigineqassaaq.