Inatsisartuni ullormut pisussat
Oqaluuserineqartussallu pisarneq malillugu assigiinngisitaartorujussuupput.
Kalaallit Nunaannut suliffissarsiortut killilersimaarnissaat pillugu inatsimmut allannguutissatut siunnersuutit aallarniutigineqassapput. Suliffissanik ataqatigiiss
unik ataatsimuulersitsiniarluni aammalu Kalaallit Nunaanni sulisitsisut avataaneersunik sulisussarsiulinnginnerminni suliffissanut nittartagaq atortassagaat qulakkeerniarlugu siunnersuut saqqummiunneqarpoq.
Taamaalereerpat oqaluuserisassat assigiinngisitaartorujussuit Inatsisartut taava oqaluuserissavaat, soorlu Kalaallit Nunaanni Naatsorsueqqissaartarfik pillugu inatsimmut allannguutissatut siunnersuutit, aningaasarsianillu akileraarutit pillugit oqaluuserisaqassallutik, ilinniarnertuunngorniartarneq pillugu inatsimmut allannguutissatut siunnersuutit eqqartorneqassapput, atorfinitsitsisarnermut soraarsitsisarnermullu pisinnaatitaanerit pingaartumik matumani oqaluuserineqassallutik.
Akileraartarnermut Oqartussaasut ataanni immikkoortortaqarfimmik immikkut suliaqartussamik, aningaasaqarnikkut pineluuteqartarnerup, ilaatigut ikiaroornartunik niuerniartarnermut attuumassuteqartup, paasineqarnissaanik siunertaqartussamik pilersitsisoqarnissaanut siunnersuut oqaluuserineqartussanut aamma ilaalluni.
