Inatsisartuni ullormut pisussat
Taamaalereerpat nalunaaqutaq ataatsimut ataatsimeeqqilerunik oqaluuserisassaat pilersaarutit malillugit katillutik arfineq-marluupput, ilaatigut tassaasut:
Inatsisartut Ombudsmandiata ukiumoortumik nalunaarutaata Inatsisartunit tusaatissatut tiguneqarnissaanik aalajangiiffigisassanngorlugu siunnersuut oqallisigineqassaaq, tunngaviusumillu inatsisissamik piareersaasussamik Naalakkersuisut ataatsimiititaliornissaannik siunnersuutit pingasut ataatsimut taava oqaluuserineqarumaarput.
Kalaallisut oqaatsitta tusagassiuutini qanoq nukittorsarneqarsinnaanerannik qaffassarneqarsinnaaneranillu apeqquteqaat aallaavigalugu taava oqallittoqarumaarpoq.
Inatsisartut ullumi ataatsimiinneranni kingulliullugu eqqartorneqartussaq tassaavoq suliffissaqartitsineq aalisarnermillu inuussutissarsiuteqarneq patajaallisarniarlugit qanoq ililluni suliffissuit puttasut tunitsiviullutillu tunisassiorfiusut siuarsarnissaat pillugu apeqquteqaat aallaavigalugu oqallittoqarumaarpoq.