Inatsisartuni sisamanngornermi pisussat
Oqaluuserisassatut pilersaarutigineqartut assigiinngisitaartorujussuupput, ilaatigullu ukuupput:
Tunumi aalisarneq pillugu nassuiaat Naalakkersuisut agguaatissagaat, Siumut sinnerlugu Inatsisartunut ilaasortap Laura Táunâjiip siunnersuutigaa, siunnersuullu ullumi siullermeerneqassalluni.
Naalakkersuisut aalisarnikkut inerisaaniarlutik iliuusissaat, kiisalu innersuussutit, aalisarnerup inerisarnissaanut tunngasutigut siunnersuutaasut nassuiaatip imarissavaa. Laura Táunâjik siunnersuummut atatillugu taama ilaatigut oqarpoq.
Qarasaasiami nassatassamillu nunatsinni kinaassutsimut ilisarnaammik peqalernissamut piaarnerpaamik inatsisiliortoqarnissaa, Attaviitsup, Michael Rosingip siunnersuutigaa.
Inatsisartut ullumi ataatsimiinnissaat ullaap tungaani nalunaaqutaq aqqanermut aallartissaaq, KNR-ikkullu toqqaannartumik malinnaavigineqarsinnaalluni.
