Inatsisartuni sisamanngornermi pisussat

Inatsisartut ukiakkut ataatsimiinneranni ullumi ulloq ataatsimiiffiusussat tallimassaraat, oqaluuserisassallu pilersaarutit naapertorlugit sisamaallutik.

Imigassaq pillugu inatsimmut naalakkersuisut allannguutissatut siunnersuutaat Peqqissutsimut naalakkersuisup Agathe Fontainip ataatsimiinneq aallarnerlugu saqqummiutissavaa.
Naalagaaffiit Peqatigiit peqqinnissakkut suleqatigiiffiata sulissutigineqartussatut taallugit kaammattuutigisaat siunnersuummi aallaaviupput.

Siunnersuummi tunngavilersuinermini Agathe Fontainip ilaatigut imigassamik atornerluinerup annikillisarneqarnissaata sulissutigineqarnissaa anguniarpaa, meeqqallu toqqissisimanerusumik peroriartorsinnaanissaat anguniarneqarluni.

Siusinaartumik pensionisiat kingorna taava oqaluuserineqassapput, silaannakkullu angallanneq pillugu inatsimmut, silaannakkullu angallatinut pisinnaatitaaffinnik nalunaarsuisarneq pillugu inatsit aamma eqqartorneqassallutik.

Inatsisartut nalunaaqutaq aqqanermut ataatsimiilissapput, ataatsimiinnerlu KNR-ikkut malinnaavigineqarsinnaassalluni.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!