Assi: Nils Baum/Bureau for Inatsisartut

Inatsisartuni pingasunngornermi pisussat

Inatsisartut ukiakkut ataatsimiinneranni ullut ataatsimiiffiusussat sisamaanni oqaluuserisassat katillutik pingasuupput.

Ullumikkullu ataatsimiinnerat aallarnerlugu Inuussutissarsiornermut, Suliffeqarnermut, Niuernermut, Nukissiuuteqarnermullu naalakkersuisoq Hans Enoksen akunnermi ataatsimi apeqquteqarfigineqarsinnaassaaq, ullumi ullaap tungaani nalunaaqutaq aqqanermiit ulloqeqqata tungaanut apeqquteqartoqarsinnaalluni.

Immikkoortullu oqaluuserisassat pingasut taassuma kingorna oqaluuuserineqassapput.

Soraarnerussutisiaqalernissamut aningaasat ilaannitt pissarsiat akileraaruserneqartarnerat pillugu inatsit siullermeerneqassaaq, taamaalereerpallu Pigisanit pissarsiat ilaasa akileraaruserneqartarnerat pillugu inatsimmut allannguutissatut siunnersuut naalakkersuisunit saqqummiunneqarumaarluni.
Immikkoortut taakku marluk ataqatigiisillugit siullermeerneqassapput, Aningaasaqarnermut Akileraartarnermullu naalakkersuisumit Aqqaluaq B. Egedemit saqqummiunneqassallutik.

Kingulliullugu oqaluuserisassaq Piginneqatigiilluni inissianut tunngavoq.

Allannguutissatut siunnersuut Kommuninut, Nunaqarfinnut, Isorliunerusunut, Attaveqaqatigiinnermut Ineqarnermullu naalakkersuisumit Erik Jensenimit saqqummiunneqassaaq.

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!