Politikki

Inatsisartuni ilaasortat nutaat

Tallimanngormat qinersisoqarnerani ukiup marluk avillugu matuma siornaniit Inatsisartuni ilaasortanngortut nutaaviit amerlaneroqaat.

Nivi Olsen, Demokraatit aamma Ineqi Kielsen, Siumut

Allattoq Camilla Dam, Nauja Møller

novembarip 30-at 2014 12:19

Siumukkunni aqqanilinniit pingasut nutaat Inatsisartunngorput, tassani Ineqi Kielsen, Laura Taunajik Jess Svanelu ilaasortanngormata.

Inuit Ataqatigiit aamma aqqanillit akornanni ilaasortat nutaat pingasuupput, tassaallutik Aaja Chemnitz Larsen, Iddimanngiiu Bianco aamma Peter Olsen.

Aamma atuaruk Inatsisartunut ilaasortanngortut aajuku

Demokratit sisamat ilaasortaalermata ilaasortaatitatik marloriaatinngortippaat nutaallu marluk tassaapput Nivi Olsen aamma Randi Vestergaard Evaldsen.

Partii Naleraq partiini nutaanersaavoq, tassanilu misilittagartuup siornatigut Siumumi siulittaasuusimasiup Hans Enoksenip qinerneqarninilu 2425-sut iluaqutigalugit Per Rosing-Peterseni Anthon Frederiksenilu ilaasortaaqatigilerpai.

Aamma atuaruk Siumut partiini suli annerpaavoq

Atassutip Siulittaasua Knud Kristiansen Mala Kuko Høy peqatigigalu Atassummiit Inatsisartunut ilaasortanngorpoq.