Inatsisartuni ilaasortaajunnaartut

Naalakkersuisut siulittaasorisimasaat Aleqa Hammond qineqqusaanngitsup saniatigut Vittus Qujaukitsoq, Jens-Erik Kirkegaard, Finn Karlsen, Karl Lyberth, Evelyn Frederiksen aamm Kristian Jeremiassen qinerneqanngitsoorput.

Qujaukitsoq Aningaasaqarnermut Naalakkersuisuusimavoq, Kirkegaardi inuussutissarsiornermut aatsisassanullu, Karlsen aalisarnermut, piniarnermut nunalerinermullu, Karl Lyberth karlsenitut atuuffeqaraluarpoq januaarimi tunuarnissami tungaanut.

Qinigaasut sinniisaallu uani takukkit

Siverth K. Heilmann qinerneqarnerpaani nr. 13-voq 256-nik qinerneqarluni. Ineqarnermut Naalakkersuisuusimasulli inatsisartunut isernissaanut naammanngillat, Atassummi Siulittaasoq Knud Kristsiansen  Mala Kuko Høyilu qinerneqarnerummata. Steen Lynge Peqqinnissamut Attaveqarnermullu Naalakkersuisuusimasoq siinniisussanit siulliup tulliattut inissisimavoq.

Inuit Ataqatigiinneersut  Hans Aronsen inatsisartuni ilaasortaanertik annaavaat.

Partii Inuit Inatsisartut ilaasortaatitaarupput. Taamaasilluni siulittaasuat Randi Broberg ilaasortaanertik annaavaat.

Per Berthelsen Nick Nielsenilu aamma Inatsisartunut isernissamut qinersisai naammanngillat, kingullermik aappaa Inatsisartuni sinniisutut isersinnaasimavoq aappaalu Naalakkersuisunngortinneqarsimalluni.