Inatsisartuni ataasinngornermi pisussat
Avatangiisit innarlitsaaliorneqarnissaat anguniarlugu imeqarfiit killeqarfiini suliassaqartoqartillugu immikkut akuersissuteqartarnermut tunngatillugu, ilaatigut aalajangersimasumik maleruagassiuunneqarnissaanut
oqaluuserisassaq aallarniutigineqassaaq.
Aningaasanut inatsisissatut siunnersuummi ukiunilu missingersuusiorfiusuni misileraanermut aningaasaliissutinik 7,5 millinit koruuninik, nunaqarfinni aalisakkerivissuit qerititsivinnik sanaartornissamik atugassatut qinnuteqarfigisinnaasaannik immikkoortitsinissamut siunnersuut oqaluuserineqassaaq.
Napparsimasut Danmarkimi katsorsartittarnerannut atatillugu ilaqutaasut ilaatigut ineqartinneqartarnerannut tunngasoq aamma oqaluuserineqassaaq.
Ajunaarnersuarnik ajunaarnersuartulluunniit ittunik pisoqartillugu iliuuseqapallattarnermut atatillugu upalungaarsimanermi kommunit akisussaaffeqartarnerat pillugu siunnersuut aappassaaneerneqassaaq.
Nunatta karsiata 2016-imut naatsorsuutaasa inatsisartunit akuerineqarnissaat pillugu siunnersuut aappassaaneerlugu ullormi naggataarutaasumik oqaluuserineqassaaq.
Inatsisartuni oqaluuserisassarpassuit, tassa immikkoortut 21-t, inatsisartut.gl-imi atuarneqarsinnaapput.
