Inaluallit tusassiarineqarsinnaanerat misissorneqarpoq

Aalisakkat ilaat maannamut iluaqutiginiarneqanngitsut inalualinnik taaneqartartut tunisassiarineqarsinnaaneri Narsami maanna misissuiffigineqarput, akilerluarlugit Kina-mut nioqqutigineqarsinnaammata.

Narsap kommuniata inuussutissarsiutitigut siuarsaaniarnerani assigiingitsut misissuiffigineqarput. Soorlu taasinnaavagut kukkukuuteqarfik immiorfillu, taakualu maannamut suli iluatsinneqanngillat. Aamma immap naqqani aalisakkat ilaat inalualinnik taaneqartartut massakkut misissorneqalerput, taakkununngalu Kinamiut kiilumut 1200 koruuneerusussimasut Narsap kommuniani inuussutissarsiornermut siunnersorti Carl Egede Høegh oqarpoq.

- Aalisariummik attartorniarpugut, aalisariut sumiiffinni aalajangersimasuni kalittaqattaarluni misiliissaaq. Taamaalilluta takussavarput, aalisarfiusimasut qanoq iluatsitsigisumik aalisarfiusimanersut. Carl Egede Høegh oqarpoq.

- Misilereerparput, inaluallit ilumiui peeriarlugit, qalateriarlugit qeritillugit, taamaaleriarlugillu Kinamut nassiullugit. Kingornatigut nalunaarfigaatigut, inaluarsuit soqutigineqaqisut pisarisinnaasavullu tamaasa pisiarerusullugit siumut nalunaarutigereerpaat. Taamaattumik neriuppugut, aggustimi septemberimilu paasisinnaassallugu misileraanitsinnik qanoq iluatsitsitigisimanerluta. Carl Egede Høegh nassuiaavoq.

Narsap komuuniani inuussutissarsiornermut siunnersorti Carl Egede Høegh taama oqarpoq.

Inaluallit uiluinniarnermi periutsit atorlugit aalisarneqarsinnaasut oqaatigineqarpoq.