Imminut toqunnerit atuakkiortup isumassarsiffigai
Anna Kim eqqarsaqqissaarnermik Isiginnaartitsinermillu Ilisimatusarnermik ilinniagartuujuvoq, siornatigullu Kalaallit Nunaat pillugu allaaserisaqarsimalluni, aviisi Korea Herald taama allappoq.
Taassuma naatsumik allaatigisaa ´Invasionen Das privaten`, Danmarkip Kalaallit Nunaannik nunasiaateqarsimanerata kalaallinut qanoq sunniuteqarsimaneranut tunngassuteqartoq, upernaaq saqqummerpoq.
Taamaattorli imminut toquttarneq pillugu atuakkiami pissutsinik eqqortunik tunngaveqassanngilaq, tassa Korea Herald naapertorlugu Anna Kim pineqartoq pillugu annertunerusumik oqaluttuartitsisinnaasimanngimmat.
Kisiannili atuakkiamut taamani pisut isumassarsiorfiusimapput.
Anna Kim Wienimi najugaqarpoq tyskisullu allattarluni. Taanna siornatigut marlunnik atuakkiorsimavoq - aappaa Kosovomi sorsuunnerup kingornatigut pissutsinut tunngasoq, aappaalu ataataasup paniatalu akornanni pissutsinut tunngassuteqartoq.