Immikkut pisariaqartitsisunut ilinniagaqaq nutaaq
- Ilinniarusutamik aallusserusunneq kiisalu inuiaqatigiinni akuuneq, innuttaasunut amerlanernut periarfissaasariaqarpoq, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoq Doris Jakobsen Jensen tusagassiuutinut nalunaarummi taama ilaatigut oqarpoq.
Ilinniartunut immikkut pisariaqartitsisunut ilinniagaq nutaaq GUX-S tassaavoq immikkut pisariaqartitsisunut, immikkut aaqqissuussilluni ilinniarnertuunngorniarnerup iluani ingerlaatsinik ingerlatsilluni ilinniarneq, aasaq mannalu qinnuteqartoqarsinnaalissalluni.
- Annertusiartortumik immikkut pisariaqartitsisut, soorlu autismimik kiisalu ADHD-mik innarluutillit aqqut taanna atorlugu ilinniarnertuunngornissaat periarfissaalissaaq, Naalakkersuisut taama ilaatigut allaaserisaqarput.
GUX-S-imut qinnuteqarniaraanni qinnuteqarfissatut ulloq killigititaq tassaavoq ukioq manna septembarip aallaqqaataat.
Sunngu.gl iserfigalugu GUX-S pillugu annerusumik aamma paasiniaasoqarsinnaavoq.
