Immikkut paasisimasallit illut tassaarsuarmit eqqugaasut qularnaassagaat

Nuugaatsiarmiut Illorsuarmiullu pigisaat aaneqassasut KNR-imit oqaatigereerparput.

Ilisimatuut pingasut nunatsinnukartut tassaapput, nunap sajussimaneranut orniguttarnermik misilittagaqartut.

Upalungaarsimasuutitat suleriniarnersut, Danmarkimi upalungaarsimasuutitat immikkoortortaqarfiata pisortaata tulliata, Lars Schou-ip oqaluttuaraa:

- Illumut isinnginnermi illu nakkaateriaannaanersoq nikeriataarsinnaanersorluunniit misissorneqassaaq. Illunik ajagutsersugassaqarnersoq tamakkualuunniit ulorianarpallaarnersut misissorneqassapput.

Upalungaarsimasut aqutsisoqarfiannit Lars Schou DR-imit ilanngutassiortumut Kirsten Rosingimut taama oqarpoq.

Issittumi Sakkutooqarfik nunaqarfinni Nuugaatsiami Illorsuarnilu innuttaasut pigisaannik ataasinngornermi aallissapput.

AAMMA ATUARUK Pigisanik Nuugatsiami Illorsuarnilu aallernissamut piareeqqapput