Politikki

Immap assingi Folketingimi isumasioqatigiissutigineqalersut

Folketingimi Kalaallit Nunaannut ataatsimiititaliap danskit silap pissusianut, pilersuinermut nukissiuteqarnermullu ministeriannut, Lars Christian Lilleholtimut ammasumik isumasioqatigiinnissamut pingasunngorpamut qaaqqusinerani nunatta imartaasa assinginik suliaqarneq kinguaattooqqasoq ullormut oqaaserisassaniippoq.

Allattoq Helle Nørrelund Sørensen

oktobarip 04-at 2017 06:36

Nutserisoq Connie Fontain

Isumasioqatigiinnermi ministerip immap assingisa katillugit 72-isut suliarineqarnerat, taakkunannga 32-t maannamuugallartoq tunniunneqarsimasut, sumut killinnersoq ilisimatitsissutigissavaa. Immap assingi isumaqatigiissut naapertorlugu ukioq manna ukiup naajartornerani naammassereertussaagaluarput.

AAMMA ATUARUK Saammarsaatissamik imaqarpianngitsumillu isumaqatigiissuteqartut

Immap assinginilli suliaqartup, Geodatastyrelsep soraarsitsingaatsiarnera peqqutigalugu assit taakku qaqugu naammassineqassanersut ilisimaneqanngilaq.

Naalakkersuisut danskillu naalakkersuisui suliaq pillugu nutaamik aggustip qaammataani isumaqatigiissusiorput. Taamaakkaluartorli danskit naalakkersuisuisa immap assingisa qaqugu piareerneqarnissaannik aappaagu aatsaat ulluliisinnaanerarnerannik kinguneqaannarpoq.

AAMMA ATUARUK Ministerip kinguaattooruteqarneq nassuiaateqarfigissavaa

AAMMA ATUARUK Søkort bliver først speedet op i 2020

Immap assingi Folketingimi isumasioqatigiissutigineqalersut

Aamma atuaruk