Imigassamik sassaalliisarnerup killilersorniarneqarnera isorigaat
Meeqqat toqqissisimasumik angerlarsimanissaat siunertarineqarpoq, tamannali illuatungerluinnaanik kinguneqassasoq Ilulissani imerniartarfimmik Naleqqamik piginnittup Heidi Poulsenip oqaatigaa.
- Juullikkunni eqqissiviilliornerit angerlarsimaffimmi pilissapput, angerlarsimaffimmi imerniartarfinnukarsinnaanatik perulunnerit pilissasut uanga isigivara, Ilulissani imerniartarfimmik Naleqqamik piginnittoq Heidi Poulsen oqarpoq.
AAMMA ATUARUK Imigassartornerulersimasugut
Inatsimmi maanna atuuttumi allaqqavoq juullerujussuarmi taamaallaat imigassanik aalakoornartutalinnik sassaallertoqartassanngitsoq. Naalakkersuisullu imigassaq pillugu inatsimmut allannguutissatut siunnersuutaat naapertorlugu juullikkunni imigassamik sassaallertoqartarunnaassaaq. Tamannalu Inatsisartunit akuersissutigineqassappat aappaagu marsip aallaqqaataani atuutilissaaq.
AAMMA ATUARUK Imigassat aalakoornartullit pillugit inatsit nutaaq aappaagumut kinguartinneqartoq
Heca Nuuk A/S-imi pisortaallunilu piginneqataasoq, tassa Nuummi neriniartarfiit imerniartarfiillu, Nicolai Nissenip juullip naggataani matoqqasalernissaa piumasaqaataalissappat iluaqutaanani akornutaaginnassangatippaa.
- Feriartut takonarialluunniit illoqarfiliarlutik nuannisarnissaminnut kiffaanngissuseqarnissaat pingaaruteqarpoq. Juullikkunnimi tikerartartut amerlasarput taakkulu aliikkusertortussaavagut. Matoqqatitsinikkut suut tamarmik killilersorneqartariaqanngimmata, Nicolai Nissen oqarpoq.
AAMMA ATUARUK Politiit: Imerniartarfiit ammanerusalerpata eqqissisimanarnerulissaaq
Inatsisitigut killilersuisoqalertillugu inuit eqqanaarsartartut Heidi Poulsenip oqaatigaa.
- Unitsissinnaanngilagut ataatsimuualaarlutik perusuttut. Matoqqasoqarniartoq nalunngikkaangamikku imigassaminnik siumut pisiniareertarmata, Heidi Poulsen oqarpoq.
Inatsisartut ukiaanerani atatsimiinneranni inatsimmut allannguutissatut siunnersuut oqaluuserineqassaaq.
AAMMA ATUARUK Imerniartarfiit sivisunerusumik ammasalernissaat imerniartarfiutillit isumaqatiginngilaat
