Imeq bakteriaqartoq: Niaqornaarsummiut imeq qalaateqqaassavaat
Niaqornaarsummi imeq bakteeriaqarpallaartoq misissuinermi kingullermi uppernarsineqarpoq
Allattoq Simon Uldum -
Nunaqarfimmi imeqarfik bakteeriaqarpallaartoq misissuinermi kingullermi uppernarsineqarpoq (Clostridium perfringens, E.coli), Namminersorlutik Oqartussat tusagassiorfinnut nalunaaruteqarlutik taama allapput.
Nunaqarfimmi najugallit innersuunneqarput, imeq qalateqqaarlugu imerneqassasoq taavalu illup iluani atorneqassasoq.
Aammattaaq suliffeqarfiit inuussutissanik nioqqutissiortut suliffeqarfiillu allat peqquneqarput imeq qalaateqqaassagaat, tamannalu aamma tunisassiornermut/atuinermut atuuppoq.
Qalatitsinissamik innersuut/peqqussut unitsinneqarumaarpoq, erngup ajoquteqarunnaarnera misissuinerit nutaat takutippassuk.