Imartaq inatsiliuunneqarsinnaalerpoq

novembarip 01-at 2004 12:50

Nunatta 200 sømilinik imartaani nunat allamiut umiarsuaasa mingutsitsisinnaanerat nunatsinnit nakkutigineqarsinnaasunngorlugu, nunat imartaasa inatsisaannut Danmarkimiittunut nunarput ullumimiit ilannguttoq, Danmarkimi nunanut allanut ministereqarfik nalunaarpoq.

Immatsinni sikusartumi avatangiiserisaq pillugu nunatsinni taamaalilluni malittarisassiortoqarsinnaalissasoq ilanngullugu nalunaarutigineqarpoq.

Nunatta nunat tamalaat immartaat pillugit inatsiliorsinnaalernissaanut atatillugu Danmarkimi nunat assiliortartut Kort & Matrikelstyrelse, Kalaallit Nunaat sukumiisorujussuarmik assiliorsimavaat.

Sumiiffiillu assigiinngitsut sumiinneri eqqoqqissaartumik nassaarineqarsinnaalerput. Kiisalu imartatta avatangiiseq pillugu oqartussaafigineranut killiliussassaq naatsorsorneqarsinnaalerpoq.