Imarsiornermik Ilinniarfiup pisortaa atorfimminit tunualersoq
Carstensen ukiut pingasut affarlu ilinniarfimmi pisortatut atorfeqarpoq, ilinniarfik tusagassiorfinnut nalunaaruteqarluni taama allappoq.
- Jeppe Carstensenimik suleqateqarneq siulersuisut nuannaarutigaat, ilinniarfiup ilorraap tungaanut ingerlaqqilernissaanut suliniuteqarsimanera nuannaarutigineqarpoq Imarsiornermik ilinniarfiup aaqqissuuteqqinneqarnerata kingorna, tusagassiorfinnut nalunaarummi taama allapput.
Jeppe Carstensenip ilinniarfik akisussaaffigileramiulli ilorraap tungaanut ineriartortinneqarpoq pisortanngortussamullu tamanna pisariinninngussalluni.
- Imarsiornermik Ilinniarfik, ukiut pingasut affarlu kingulliit ineriartorsimavoq inuussutissarsiummut ilinniarnikkut ilinniartitsiniarneq kinguaattoorfiusimaqisoq siumut saatsinniarneranut, imarsiornermi ilinniagassanut siammasissunik ilinniartoqalersinniarlugu. Inuttat angalanermik misilittagaqanngitsunit/Sætteskipperitut minnerunngitsumik pikkorissartitsinermut immikkoortortap qulakkeermagu, pikkorissartartut Kalaallit Nunatsinniiginnarlutik pikkorissarnermut piginnaanngorsarsinnaalerneri, tamatuma anguneqarsimanera pillugu minnerpaamik qujassutissaqarfigivarput Jeppe Carstensen aamma Imarsiornermik Ilinniarfiup kiveqqinneranut tunngatillugu, Imarsiornermik Ilinniarfimmi siulersuisuni siulittaasoq Miki Høegh taama oqarpoq.
Ilinniarfimmi siulersuisut atorfinitsitsinermut ataatsimiititaliussapput Jeppe Carstensenip pisortatut atorfiata taartissaanik nassaarniassallutik.
Imarsiornermik Ilinniarfimmi inspektøri Nivikka Brandt ilinniarfimmi pisortaagallartutut januaarip tungaanut atorfeqassaaq.