Imaatigut kabelimik aaqqissuussineq atuisunut kinguneqarpoq
Imaatigut kabelimik aaqqissuussineq Nuup kujataani atuisunut kinguneqarpoq.
Internetimut attaveqaat sakkortusaavimmut nuunneqarmat sakkortusaavik malinnaasinnaajunnaarpoq. Taamaammat attaveqaatit kigaallipput filminillu nipilersukkanilluunniit aalleraanni kipisaqattaartarlutik.
- Sullitatta sunnerneqannginnissaat pilersaarutaagaluarpoq. Ajoraluartumilli tamanna pinngitsoortissinnaasimanngilarput. Tamanna Nuup kujataani sullitatsinnut ajuusaarutigeqaarput, Teknikkimut IT-mullu pisortaq Jonas Hasselriis oqarpoq.
TELE-POST-ip kabeli pilersaarutit malillugit septembarip 20-ata tungaanut aaqqissuuttussaavaa, Nuup kujataanilu attaveqaatit piffissami tassani kipisaqattaarsinnaasut, TELE-POST naggasiivoq.