Ilulissat: Qinersisartut isumaat assigiinngiiaartut
- Avannaa kommunersuanngorluni ingerlalerpat kattunnerup ajortortai aatsaat takuneqarsinnaalissapput, qinersisartut ilaat David Holm, isumaqarpoq.
Akileraartarneq eqqarsaatigigaanni Ilulissat suliffissuaqarfiullunilu aningaasarsiorfiummat nunaqarfinnut illoqarfinnullu minnernut pilliuteqartussaassasoq, David Holm aamma isumaqarpoq.
Kommunersuanngornermi qanoq partiilersorneq ilaatigut takorlooruminaatsinneqarpoq.
- Kikkut qanoq qineqqusaarumaarnersut apeqqutaajumaarpoq. Kommunit sisamaannanngorpata imminnut atalluarnissaat assut kissaatiginarpoq, Pauline Olsen isumaqarpoq.
- Ataqatigiilluarnermik, imminut tatigeqatigiinnermik ilisarisimaqatigiilluarnermillu kinguneqassasoq neriuppunga, Ole David Jensen isumaqarpoq. Tassa avannaani isorartullunilu inoqarfiit ilai avinnga-rusimasutut inissisimammata.
