Ilulissani uuliarluertoqarpoq

Ilulissani anartarfiit imaannik eqqaaviup eqqaani annertuumik uuliarluertoqarpoq. Uuliakoq maanna assersorlugu siuaruatsaaliorneqarpoq.

Ilulissani uuliakoortoqarsimanera pillugu politiit ippassaq unnukkut arfineq pingasut missaanni ilisimatinneqarput. Ilulissanilu sillimaniarnermut upalungaarsimasut uuliakumik maanna saliinertik suli ingerlappaat.

- Kikkut uuliakoorsimanersut paasiniarlugu maanna misissuivugut, Ilulissat politeeqarfianni ulluinnarni aqutsisoq Karl Vinther oqarpoq, nassuiaallunilu uuliakoorsimasut kikkuusinnaaneri maannangaaq eqqoriarsinnaallugu.

Uuliakoq qanoq annertutigisoq maangaannartinneqarsimasoq suli erseqqissumik oqaatigineqarsinnaanngilaq, uuliakorli ikuallaavimmut tunniunneqarsimasinnaagaluarpoq, Ilulissanilu Kangiata eqqaa migutsinneqarnera pinngitsoorneqarsimasinnaagaluarluni.

- Mingutsitsisut aamma nalunngilluinnaraluarpaat, Ilulissani ikuallaaveqartoq uuliakumik tunniussiviusinnaasumik, Jess Svane uuliakoortut kikkuusimagaluarnersut periarfissaat pillugu taama oqarpoq.

Ilulissani anartarfilerisut kuutsitsisarfiata eqqaani uuliakoorneq pivoq, sillimaniarnermut upalungaarsimasut uuliakup avataanut siaruaatinnginnissaa anguniarlugu assiaqusersuereerput maannalu suli uuliakumik saliillutik.