Ilulissani Siumukkormiut qineqqusaartunik allanik ajortisaaripput
Ilulissani qinersiviup silataani siumut illersorlugu qineqqusaarisut, qineqqusaartunik allanik saassusillutik allagartarsualiorput. Allagartarsualiallu pillugit qinersinermut ataatsimiititaliamut naammagittaalliuuteqartoqarpoq.
Allattoq Oline I. Olsen
Qineqqusaartut ilaasa aqqi allagartarsuarni ilanngunneqarput, inuttaalu saassunneqartut akinissaminnut periarfissaqanngitsut, Inuit Ataqatigiinnit akuersaarneqanngilaq.
- Periuseq taamak ittoq Ilulissani Inuit Ataqatigiit akuerisinnaanngilarput. Ilulissani Inuit Ataqatigiit qinersinermut ataatsimiititaliamut piumasaraarput qisuit (krydsfinerplade-t) pineqartut peerneqarnissaat, Ilulissani Inuit Ataqatigiit sinnerlugu Bendt Kristiansen tusagassiutinut nalunaaruteqarnermini oqarpoq.