Ilulissani biilinik aallarussisoqartarnera ajornartorsiutaasoq

Biilinik piginnittut akisussaasullu biilimik aallarunneqarsinnaannginnissaat qulakkiissallugu pisussaaffeqarput. Taamaaliunngikkaanni akisunaarneqarsinnaavoq.

Ilulissani biilinik aallarussisoqartarnera ulluni makkunani ajornartorsiutaasoq Qaasuitsup politiivi ilisimatitsipput. Biilit illoqarfimmi atorneqartarput tamaangaannarlu qimanneqartarlutik. 

- Suliffeqarfiit biilii piffissami qaninnerusumi aallarunneqaqattaarput, politikommissæri Sebastian Bech tusagassiuutinut allappoq.

Taamaammat biilinik piginnittut akisussaasullu biilit parnaartarnissaannik ikumatiinnarlugillu qimatsisanngissaat politiit eqqaasitsissutigisariaqalersimavaat.  

Biilinik aallarussisoqarsimatillugu pinerluttut kikkuuneri uppernarsaruminaattarpoq, tassami aallarussisoqartillugu amerlanertigut takunnittoqarneq-ajormat. 

- Taamaammat innuttaasut qinnuigissavagut biilitik parnaartaqqullugit matuersaataallu paarilluartaqqullugit. 

Piginnittut unnerluutigineqartut

Biilit aallarunneqarneri immaqalu ajoquserneri piginnittunut ajuusaarnartarput, ajornartorsiulli taannaannaanngilaq. Tassami piginnittut biilimik aallarunneqarsinnaannginnissaat qulakkiissallugu inatsisitigut pisussaaffeqarput. Tamannalu qulakkeersimanngikkaanni akisunaarneqarsinnaavoq. 

- Innuttaasut biilimik aallarunneqarsimanerannik nalunaarutiginnikkaangamik namminneq unnerluutigineqartarnerisa paasiuminaatsinneqarsinnaanera paasisinnaavara. Aalajangersakkanili biilinik aallarussisoqartannginnissaata qulakkeernissaa siunertaavoq - taamatuttaaq aalakoorluni aanngajaarluniluunniit biilertoqannginnissaa aamma pinngitsoortinniarneqarluni, Sebastian Bech ilisimatitsivoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!