Iluliarujussuaq kaanngartoq

Iluliarujussuaq tuusintit milliardit tonserpassuarnik oqimaassusilik Sikuiuitsoq Kujallermit kaanngarsimavoq. Immikkut ilisimasallit franskit nutaarsiassaqartitsiviannut AFP-mut taama ilisimatitsipput.
Assi © : Erik de Haan/Flickr Creative Commons
Allattoq Ritzau
juulip 12-at 2017 13:19
Nutserisoq Mads Lynge

Iluliarujussuaq immikkut ilisimasalinnit sivisujaamik malinnaavigineqarsimavoq, Sikuiuitsoq Kujallermiiillu ataatsinngormat juulip ulluisa qulingata ullumilu aqqaneq-aappaata akornanni kaanngarsimalluni. Iluliarujussuaq 5800 kvadratkilometeritut angitigaaq. Ilisimatuut Swansea Universitymeersut taama oqarput. Assersuusiussagutta Qeqertarsuaq 3745 kvadratkilometeriuvoq, iluliarujussuarlu pineqartoq maannamut nalunaarsorneqarsimasuni annerit ilaanniilluni.

Iluliarujussuaq Sikuiuitsoq Kujallermi immikkoortumit Larsen C-mit kaanngarpoq, kaanngarnissaalu qaammat sinnerlugu utaqqineqarsimalluni.

Sikuiuitsoq Kujallermi nunap immikkoortuani Larsen C-mi sermeq iluliarujussuup kaanngarneratigut 10 procentinik annikillisimasoq, qaammataasatigut assilisat takutippaat.
 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq