Assi: Anne-Katrine B. Olsen

Illersornissaqarfiup sipaaruteqarniarnera isumaqatigineqanngilaq

Issittup Kalaallit Nunaatalu siunissami illersornissaa qulakkeeniarlugu aningaasaliilluarnissaq pisariaqarpoq Inuit Ataqatigiit taama isumaqarput.

Kalaallit Nunaanni illersornissaqarfiup suliaani sipaaruteqarnissaq partiimit isumaqatigineqanngilaq, tamanna nalunaarusiami danskit naalakkersuisuisa suliakkiutaanni atuarneqarsinnaavoq.

Taama oqaluttuarpoq IA-p Folketingemi ilaasortaatitaa Aaja Chemnitz Larsen.

Illersornissaqarfiup Kalaallit Nunaanni sipaaruteqarnissamik pilersaaruteqarnera nalunaarusiami illersornissamut Danmarkimi naalakkersuisut suliakkiutigisimasaanni siunnersuummi , partiip taamaammat isumaqatiginngilaa.

Taama oqaluttuarpoq IA-p folketingemi ilaasortaatitaa Aaja Chemnitz Larsen.

- Isumaqarluinnarpunga erseqqissartariaqartoq illersornissaqarfiup Kalaallit Nunaanni suliai annikillisinneqaratik nukittorsarneqartariaqartut.

Illersornissaq pillugu isumaqatigiissut Folketingemi partiit siorna isumaqatigiissutigisaat nalorniniartoqalersimavoq.

Partiit isumaqatigiissutigaat Illersornissaqarfiup issittumi suliaanut ukiumut 120 million kr atorneqartarnissaannut missingersuusiortoqassasoq.

Misissueqqissaarnermi nalunaarusiaq danskit naalakkersuisuisa suliakkiutigisimasaanni inerniliunneqarpoq, illersornissaqarfik ukiut sisamat ingerlanneranni syv million kr-nik sipaaruteqarsinnaasoq, umiarsuit alapernaarsuutit Thetisitut ittut issittumi alapernaarsuisarnerisa annikillisinneqarnerisigut.

Aamma siunnersuutigineqarpoq, umiarsuit Knud Rasmussenitut ittut Kalaallit Nunaata imartaani alapernaarsuisarnerat sivikinnerulissasut taamaaliornikkut umiarsuarni inuttanut aningaasartuutit sipaarneqassammata.

Nalunaarusiaq saqqummiunneqarpoq, illersornissamut isumaqatigiissutissaq ukiunut sisamanut atuuttussaq naalakkersuisunit saqqummiunneqanngilaataani.

Isumaqatigiissuteqarneq, naalakkersuisut naapertorlugit illersornissaqarfiup pitsaanngoriaateqarnissaanik kinguneqartussaq.

Taamaattumik kalaallit folketingemut ilaasortaatitaannut pingaaruteqarpoq illersornissaqarfiup Kalaallit Nunaanni sulinerata millilerneqannginnissaata qulakkeerneqarnissaa, Aaja Chemnitz Larsen oqarpoq.

Isumannaallisaaneq nukittooq pigisariaqarparput, tamannalu isumaqatiginiarnissami qulakkeerneqarnissaa peqataaffigisariaqarparput Aaja Chemnitz Larsen oqarpoq.

Illersornissaq nukittorsarneqartariaqartoq Aaja isumaqarpoq, kalaallilli inuusuttai peqataatinneqartariaqartut taanna isumaqarpoq,

- Illersornissamut ilinniartitaaneq aalajangiisuusorujussuuvoq. Ajunaarnerillu pinaveersaartinneqartariaqarput innutaasunut paasisitsiniaanikkut. Tassami kisitsit takutippaat pinaveersaartitsinerit iluaqutaasut, Aaja Chemnitz Larsen oqarpoq

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!