Assi: Hasse Ferrold/Flickr Creative Commons

Illersornissamut aningaasaliissutit amerlineqarnissaat taperseraat

Danmarkip illersornissaqarfianut aningaasaliissutit amerlineqarnissaat, Folketingimi partiinit amerlanerussuteqartunit tapersersorneqarpoq.

Folketingimi ilaasortat Danmarkip Irakimi sakkutuuinut sapaatip-akunnerata naanerani tikeraareeraallu TV2 taama allaaserisaqarpoq.

Illersornissaqarfimmmut aningaasaliinerit malunnaatilimmik amerlineqassasut, Danmarkip illersornissamut ministeriata Claus Hjort Frederiksenip oqaatigaa:

- Mianerisassat allanngorartillugit sillimaffigisassat aamma allanngorartarput. Rusland akeqqersimaariartuinnartoq takuarput, Ukrainemi susoqarnersoq takusinnaavarput, Issittoq eqqartorparput, taava arlaatigut iliuuseqartariaqarpugut. Aningaasaliinerillu malunnaatilimmik amerlineqartariaqarput, Claus Hjort Frederiksen oqarpoq.

Aningaasalli qanoq amerlatigisut illersornissaqarfiup atorfissaqartinnerai, taassuma suli ilisimannginnerarpaa.

Illersornissaqarfimmut aningaasaliisoqarnerunissaa Socialdemokratit Dansk Folkepartiillu tapersersorpaat, Radikale Venstrelu akerlianik tapersuinani. Siulittaasuat Morten Østergaard taama oqarpoq.

Issittup illersorneqarnissaanut 120 millionit koruunit immikkoortinneqarnissaat, Folketingimi partiini amerlanerussuteqartut siorna decembarimi aalajangerpaat, illersornissamulli isumaqatigiissut pisortatigoortoq ukiaru isumaqatigiinniutigineqartussaalluni.

Illersornissaqarfimmut aningaasaliissutissatut siunnersuutertik Danmarkimi naalakkersuisut oktobarip aallaqqaataani saqqummiutissavaat. Claus Hjort Frederiksen taama oqarpoq.

Isummersuutit

Inatsisartut Upernaakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!