Kulturi

Ilitsoqqussaralugu oqaatsit ulluat Oqaasileriffiup malunnartissavaa

Nunat tamat akornanni Ilitsoqqussaralugu Oqaatsit Ulluat februaarip 21-ani pisartoq Oqaasileriffiup ukiut tamaasa malunnartittarpaa. Ukiorli manna tamanna pissaaq unnugu februaarip 22-ani Ilimmarfimmi nalunaaqutaq 19.00-imit 21.15-ip tungaanut.
Assi © : Unesco
Allattoq Jonas Fievé
februaarip 22-at 2016 05:37
Nutserisoq Simon Uldum -

Unescop Ilitsoqqussaralugu Oqaatsit Ulluannut atatillugu ukioq manna qulequtsiussaa tassaavoq 'Ilinniartitaaneq pitsaasoq, ilinniartitsinermi oqaatsit kiisalu ilikkakkat kinguneri'.

Unnuk assigiinngitsunik pisoqarfiussaaq, tikilluaqqusisoqareerpat Unescop generalsekretæriata Irina Bokovap ullormi oqalugiaataa atuarneqassaaq oqaatsinillu allanartunik saqqummiisoqassalluni, ilaatigut russit, japanimiut, kroatiamiut, portugiit, islandimiut tunumiullu oqaasiinik saqqummiussisoqassalluni. Aammattaaq kalaallisut allagaatinik katersivik korpus pillugu Oqaasileriffimmit saqqummiussisoqassaaq.  

Oqaatsinik allanartunik saqqummiussineq aallarnerlugu Avanersuarmiup Tukummeq Qaavigap sumiorpaluutini atorlugit Inuit qulliat ikissavaa.

Aaqqissuussineq Oqaasileriffiup Nunattalu Atuagaateqarfiata aaqqissugaat Nuup Bussiinit tapersersorneqarpoq. Bussi akeqanngitsumik ilaaffigineqarsinnaasoq Qinngutsinni Suloqqamit aallassaaq nalunaaqutaq 18.30, illoqarfikkoorluni kommunip allaffiata eqqaatigooriarluni Ilimmarfiliassalluni, aaqqissuussinerlu nalunaaqutaq 21.15 naammassippat Ilimmarfimmit aamma bussiussisoqaqqissaaq.

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.

Aamma atuaruk