Ilisimatuut Qalasersuup piumasaqaatigineqarneranut uppernaatissamik saqqummiussisut

Kunngeqarfiup Qalasersuup ilarujussuanik piumasaqaateqarneranut paasissutissat tunngavigineqartut ilaannik ilisimatuut GEUS-imeersut saqqummiussaqarput.

Nunatta Danmarkillu Qalasersuup ilaanik 895.000 kvadratmeterinik angitigisumik  Naalagaaffiit Peqatigiinnut piumasaqaateqarnerannut, ujarak Danmarkimi Nunatsinnilu ujarassiornikkut misissuisarfimmi GEUS-imi ilisimatuunit pigineqartoq pissutaalluinnarpoq.

Nittartagaq Videnskab.dk taama allaaserisaqarpoq.

Ujarak pineqartoq ilisimatuut naapertorlugit immap naqqani Lomonosovip qaqqaanit uiguleriinneersuuvoq. Qaqqat taakku Nunatsinnit Qalasersuup imartaatigut Ruslandimut atassuteqarput. Ujarak sukumiisumik misissorneqarpoq inernerilu tamanut maanna saqqummiunneqarput.

AAMMA ATUARUK Ruslandip issittumi imartat isumaqatigiinniutigerusukkai

Ujaqqap Lomonosovip qaqqaanit uiguleriinneersuunera aalajangiisuuvoq, Nunattami - taamatullu aamma kunngeqarfiup Danmarkip - Qalasersuarmut ataneranut uppernarsaatissaqarmat, GEUS-imi ujarassiooq ilisimatuullu pisortaat, Christian Knudsen, taama oqarpoq.

- Qalasersuup pilerngunneqarnerata soqutiginartoraa sakkutuunit, pananik sakkunillu allanik sakkulersorluni ingerlanneqanngimmat. Ilisimatuulli uatsitut ittut Kunngeqarfiup allisarnissaanut uppernarsaatissarsiornermut atorneqarpugut, ilisimatooq videnskab.dk-mut taama oqarpoq.
Rusland aamma Canada, Danmark assingalugu Qalasersuup ilaanik angisuumik piumasaqaateqarput. Nunalu sorleq tamatumunnga piginnittuulissanersoq Naalagaaffiit Peqatigiit nunarsuarmi nunaviit qanoq imminnut atanerat pillugu ataatsimiittartoqatigiivinit ukiut qulikkuutaat tulliuttut naannginnerini aalajangiiffigineqassaaq.

AAMMA ATUARUK Upalungaarsimasussat Qalasersuup piumasaqaatigineqarnerani iluaqutiginiaraat

AAMMA ATUARUK Rusland Kristian Jensenimit itigartinneqarpoq

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!