Qulaarpaa Ilisimatusarfimmi qaffasissuseq qaffappoq
Ilisimatusarfiup qaffasissusaa ukiut 20-it kingulliit qaffarujussuarnikuuvoq. Ilisimatusarfimmi censoritut ilinniartitsisutullu ukiut 20-t atorfillip Margrethe Sørensenip tamanna maluginiarpaa.
- Qaffasissuseq ullumikkut annerungaatsiarpoq, Margrethe Sørensen oqarpoq.
Ilinniartut piginnaanikinnerit unittarput
Tikkuarpaalu Ilisimatusarfimmi ilisimatusartut ingerlalluartut nunallu assigiinngitsut qaffasissusaat assigalugu. Minnerunngitsumik ilinniarneq kingusinnerusukkut ingerlaleraangat ilinniartullu piginnaasakinnerit unereeraangata.
- Qaffasinnera ullumikkut qaffasinnerungaatsiarpoq. Danmarkimilu ilisimatusarfiit allat suleqatigereeraangatsigit maluginiartarpara Ilisimatusarfimmi qaffasissuseq ilisimatusarfinni allatulli ittoq, Sørensen oqarpoq.
Aamma atuaruk immikkoortortami pisortap ilinniartut piginnaasakippallaarsorai
Ilinniartut amerlanerit aallartikkaangamik piginnaasakippallaartartut, oqaasilerinermi, atuakkialerinermi tusagassiuutilerinermilu immikkoortortaqarfimmi pisortaq, Karen Langgård oqarpoq, taamaattumillu ilinniartut amerlasuut unittartut. Ilinniartuli naammassisut amerlanerit qaffasissusaat ajorneq ajorpoq. Ilinniartut Danmarkimi ilisimatusarfiit allat suleqatigereernikuugaangamikkit tamanna maluginiartarpaa.
Angusineq angusineruinnaanngilaq
Sulisitsisut soraarummeersimanermut uppernarsaatit misissoqqaarnissaat atorfinitsinnginnermi eqqaamaqquaa. Angusinermi angusinerinnaanngilaq.
- Ilinniartoq specialimini E-simanersoq A-simanersorluunniit assigiinngissuseqangaatsiarpoq, Langgård oqarpoq.
Aamma atuaruk Tine Pars: Ilinniartut piginnaasallit isiginiarneqartariaqarput
Margrethe Sørensenilu tassunga isumaqataavoq, oqarlunilu ilinniartut ECTS pointinik pinnanniaannartarnerat akulikitsumik misigisarlugu.
Naammassisut faginik amigaateqarlutik
Ajornartorsiutaaginnarporlu suliassat aalajangersimasut suliarisinnaassagaanni fagit ilaat pingaaruteqarmata.
Assersuutigalugu naatsorsueqqissaarneq sociologinngorniaraanni pingaaruteqarpoq.
- Naatsorsueqqissaarsinnaanerlu ajortupilussuuppat pikkoriffiginagulu, taamaakkaluartorli allagartartaarluni, sociologitulli naatsorsueqqissaarneq pikkoriffiginngikkaani qaffasissuseq naammanngilaq, Margrethe Sørensen oqarpoq.