ASSIT Ilisimatusarfimmi ilinniartut nutaat 180-it aallartipput

Ilisimatusarfimmi ilinnialertut nutaat katillugit 170-it 180-sillu akornaniipput. Ilisimatusarfimmilu ilinniassagaanni ilinniarnertuunngorniarfimmi naammassisariaqarpoq. 

Ilinniarnertuunngorniarfinnilu inuusuttut 300-ut missaanniittut aallartittartut eqqarsaatigissagaanni ilisimatusarfimmi aallartittut affaraat:

- Gu-mi naammassisimasunut amerlassusaat maanga naleqqiussagaanni 58%-tiisa missaani maani aallartipput. Imaangilaq ukioq manna naammassisut. Amerlasoorujussuit maanga aallartittarput, ilinniarfiit qulinngorniskuusut arlaat toqqartarpaat, ilisimatusarfimmi pisortaq, Tina Pars oqarpoq.

Aamma atuaruk Ilisimatusarfimmi sullerlunnermikkut kukkusumik akuersisut

Ukiuni kingullerni ilisimatusarnissaq soqutigineqaleraluttuinnarpoq, ilinnialerlaallu naammassigunik inuiaqatigiinnut annertuumik isumaqarnissaa Tina Parsip qularinngilaa:

-Tamarmik atorneqartarput inuiaqatigiinnut iluaqutaallutit. Inuiqatigiinnut naleqartitsiartuaaginnarnissamik peqataapput, taavalu aamma ilisimasassanut nuatsinnut iluaqutaasussamik piginnaaneqalerlutik suliumaartussaallutik. 

Ilinniartullu ukiut arlallit ilisimatusareerunik atorfissaqartussat ilisimatusarfiup pisortaata ilimagaa:

-Ilisimatusarfiup ilinniaritttaagaai tamaavimmik immikkut ittumik pisoqartinnagu, tamarmik atorfinittarput. Tassa ilinniartitsisarpugut, qulakkiipajaareerlugu atorfissaqarnissaat.