Ilisimatusarfik AWG2016-ilu suleqatigiilersut
Ilinniartut nunat issittumiittut sammillugit saqqummersitsinissaannik Ilisimatusarfik AWG2016-ilu isumaqatigiissuteqarput.
Ilisimatusarfimmi tusagassiortunngorniat AWG2016-ip atuagassiaminnut ilanngussaqartarsinnaanissaat Arctic Winter Gamesimit aamma neriuutigineqarpoq.
Ilisimatusarfiup pisortaata Tine Parsip suleqatigiinneq nutaq nuannaarutigaa.
Taassuma tusagassiorfinnut nalunaaruteqarluni naqissuserpaa ilinniartut suleqatigiinneq taanna atorlugu attaveqarfissaminnik, misilittakkanik sulissatigullu ilinniakkaminni iluaqutigisinnaasaminnik pissarsisinnaassasut.
AWG2016-ip nalaani ilinniartut atuanngiffeqartinneqassapput.
AWG-p pisortaanerata Maliina Abelsenip, ilisimatusarfinnik suleqateqarnerup ilinniartut inuiaqatigiinni pingaarutilimmik sunniuteqaqataanissaannut periarfissatsialattut isigaa.
Ilinniartut akissarsiaqartinneqaratik sulissanersut tusagassiorfinnut nalunaarummi eqqaaneqanngilaq.