Ilisimatusaat nutaaq: Kalaallit imigassamik sapigaqarnerat ilumuunngilaq

Danmarkimi innuttaasut peqqissusaannik misissuisarfimmi ilisimatuut kalaallit imigassamut timimikkut kingornuttagaannik misissuisuupput.

Kalaallit imigassamut timimikkut kingornuttagaat annerusumik qallunaat allallu Europami killermiut kingornuttagaannut assingusuusut, misissuinermi paasineqarpoq. Tassa kalaallit qallunaat allallu Europami killermiut allat assigalugit 

Kalaallit ilalisaat kinguaariinni timikkut kingornussisarnermut aqutsisumik timip imigassamik arrortitsisinnaannginnermik genimik immikkut ittumik peqarnerat pillugu oqaluttuaq misissuinermi taamaasilluni ilumuunnginnerarneqarpoq.

- Kalaallit ilalisaataat kangiani inuiannut assingusuusoq maannamut oqaatigineqartarpoq, tassami kalaallit Siberiamiunit kingoqqisuummata. Kangiamiut imigassamik atuisinnaannginnerat maannamut ilisimaneqarpoq, kalaallilli timimikkut kingornuttagaat tassa qallunaat allallu Europami kllermiut kingornuttagaannut assingunerupput, Danmarkimi misissuisut siuttuat Janne Schurmann Tolstrup, Syddansk universitetip ataani Statens Institut for Folkesundhedimeersoq taama oqarpoq.

Timip imigassamik arrortitsisinnaanera annerusumik kingornuttagaavoq, assersuutigalugu imigassamik atornerluisunngorsinnaanermut aamma attuumassuteqarsinnaalluni, qallunaallu amerlanersaat imigassamut timimikkut kingornuttagaat kalaallillu kingornuttagaat assingusuusut maanna paasineqarpoq.