Ilisimatooq: Camp Centurymi eqqakkat uninngatiinnarneqarlik

Taassuma ilisimatuullu nunanit allaneersut allat peqatigalugit eqqakkat toqunartortaasa sermimit ukiut 70-it missaat qaangiuppata seerilersinnaanissaat qanittukkut saqqummiuppaat.

Eqqakkalli toqunartortallit maannakkorpiaq piiarneqarnissaat nalorninartoqarpallaarlunilu pisariuallaassaaq, sermip iluani meterinik 65-nik itissusilimmut inissinneqarsimammata. Ukiut 50-it utaqqisoqartariaqarsoraa, taamanikkussamut aput sakkutooqarfiusimasup qaavaniittoq millingaatsiarsimassammat, Dir van As taama isumaqarpoq.

Aamma atuaruk Naalakkersuisoq ministerilu Camp Century pillugu paasiniaaniartut

Nunalli ilaa misissorluaqqissaartariaqarsoraa.

– Isumaqarpunga nunap ilaa pineqartoq misissorluaqqissaartariaqaripput. Tamaani silasiorfimmik pilersitseriarta, taamaalillutami imeq sermip aanneraneersoq qanoq annertutigisoq sermip iluanut kuuttarnersoq misissorsinnaassagatsigu. Tamatuma saniatigut radari atorlugu eqqakkat ullutsinni sumerpiamiinnersut paasisariaqarpavut, tamatumani eqqakkat assigiinngitsut qanoq annertutiginersut ilanngullugit, Dir van As til Sermitsiamut taama oqarpoq.

Danskit nunanut allanut tunngasunut ministeriata aamma avatangiisinut inuussutissalerinermullu ministeriata nunatsinni oqartussat peqatigalugit sakkutooqarfiusimasumut tunngasut misissorniarlugit neriorsuutigaat.

Aamma atuaruk Camp Centurymi pissutsit danskit ministeriata misissortinniarai

Aamma atuaruk Ilisimatuut: Camp Century avatangiisinut ulorianarsinnaavoq

Aamma atuaruk Nunanut allanut ministeri: Camp Centurymi qinngornernik ulorianartunik mingutsitsisoqarsimanngilaq