Ilisimasassarsiorluni angalanernit qalipakkat saqqummersinneqarput

1900-kkut aallartinneranni ilisimasassarsiorlutik angalanerni assigiinngitsuni eqqumiitsuliortut qalipagaat titartagaallu, Illu Atlantikumi saqqummersinneqarput.
Allattoq Louise M. Kleemann
februaarip 26-at 2010 08:55

Eqqumiitsuliortup Harald Moltkep qalipagai saqqummersitsinermi ilaatigut takuneqarsinnaapput. Knud Rasmussenip atuakkiornissaq siunertaralugu ilisimasassarsiorluni angalanerani, 1902-miit 1904-mut ingerlanneqartumi, Harald Moltke peqataasunut ilaavoq, angalanermilu tassani inunnik assiliilluni qalipagai saqqummersitsinermi takuneqarsinnaapput.

Harald Moltke aamma Islandimut Finlandimullu danskit ilisimasassarsiorlutik angalaneranni peqataavoq, tassanilu qalipagai saqqummersitsinermi aamma takuneqarsinnaallutik.

Saqqummersitsineq Arktisk Institut suleqatigalugu aaqqissuunneqarpoq. Nunatsinni, Islandimi Finlandimilu ilisimasassarsiorluni angalanernit qalipakkat saqqummersitsinermi takuneqarsinnaapput, aammattaaq Per Kirkebyp Kalaallit Nunaannut 1993-imi angalaneranit qalipakkat takuneqarsinnaallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq