Ilinniartut oqoqarnera pissutigalugu angerlartinneqartut

Perorsaanermik Ilinniarfiup, tassa Socialpædagogisk Seminariumip kælderiani isugutaqarlunilu oqoqartoq paasineqarpoq, ilinniartullu ilinniartitsisullu tamanna pillugu angerlartinneqarlutik.

Socialpædagogisk Seminarium nalunaarusiaq nutaaq aallaavigalugu tusagassiutinut taama nalunaaruteqarpoq.

Perorsaanermik Ilinniarfiup, Socialpædagogisk Seminariumip illutai ilinniartunut, ilinniartitsisunut atuisunullu peqqinnanngitsut nalunaarutigineqarpoq:

- Inini pineqartuni ilinniartitsinerit tamarmik sulinerlu unitsittariaqalernerat PI/SPS-ip pisariaqartutut isigaa, aaqqiissutissamilli piaarnerpaamik nassaarniartoqarnisssaa sulissutigineqarumaartoq, ilinniartitsinerit ingerlaqqissinnaaqqullugit, aamma ilinniartut ilinniartitsisullu aallarteqqinniassammata, Perorsaanermik Ilinniarfik, Socialpædagogisk Seminarium taama oqarpoq.