Ilinniarneq

Ilinniartitsisunngorniat 40-t ullumi allagartartaartinneqassapput

Ilinniartitsisutut bachelorinngorniartut 40-nik amerlanerusut naggataarutaasumik suliaminnik illersuereerlutik ippassaq naammassipput. Taakkulu nalliuttorsiutigineqarlutik ullaatungaani qulinut aallartittumik.
Allattoq Apollo Jeremiassen
juunip 12-at 2015 05:12

Ilinniarfissuup pisortaa, Dorthe Korniliussen tusagassiuutinut nalunaarummini taama allappoq.

- Meeqqat Atuarfiat upernaaq nalilersorneqarmat, atuarfinni ilinniartitsisuuneq taamatullu ilinniartitsisunngorniartarnerup ingerlanneqartarnera eqqartorneqagaatsiarput, Dorthe Korniliussen allappoq imalu nangilluni.

- Taamaattumik ilinnirtitsisuunerup eqqumaffigineqarnerunissaa pingaartutut isigaarput aamma meeqqat atuarfiini ingerlanerliornerit ersarinnerusumik qanoq iliuuseqarfigineqarnissaat suleqataaffigerusullutigu. Taamaammat nuannaarutigaara, ilinniartitsisutut bachelorinngortunik amerlasuunik Nunatsinnut tunniussaqarsinnaagatta.

Ilinniarfissuup pisortaa, Dorthe Korniliussen tusagassiuutinut nalunnaarummini taama allappoq.

Ilinniartitsisutut bachelorinngortut allagartartaatsinneqareerpata ileqquusoq malillugu taakku Ilinniarfissuup saavani assilineqarsinnaapput.

Aamma atuaruk