Naalagaaffiup aningaaserivissua: Ilinniarneq aningaasarissaarnermut aqqutissaavoq

Naalagaaffiup aningaaserivissuata kalaallit aningaasaqarnerannik misissuinera naapertorlugu nunarput aalisarnermit isaatitaqarluaraluarluni aalisarnermit isertitanik isumalluuteqarpallaarpoq. Taamaammat nunarput inuussutissarsiornernik allanik ineriartortitsisariaqarpoq.

Naalagaaffiup aningaaserivissuata siunnersortaa, Anders Møller Christensen, misissueqqissaarnermi peqataasoq, ineriartortitsinissamut aningaasaqarnerullu pitsanngorsarnissaanut siunnersuutissaqarpoq.

- Ilinniarneq ilinniarnerlu. Ilinniartitaanerup aningaasaliiffigineqaqqinnissaa pisariaqanngilaq, aningaasaliiffigineqangaatsiartarpormi. Meeqqalli atuarfiini atuartitsineq sukasarneqartariaqartoq, Anders Møller Christensen oqarpoq.

Taanna naapertorlugu nunatsinni suliffissaaleqisut amerlanersaat meeqqat atuarfiata kingorna allamik ilinniagaqanngitsuusut inuussutissarsiornermillu ilinniagaqartut ikittuinnaat suliffissaaleqisuusut misissuierup takutippaa.

Taamaammat ilinniartitaaneq pingaaruteqartorujussuusoq oqarpoq.

- Inuussutissarsiuteqarnermut nutaanik periarfissaqalernissaanut ilinniartitaaneq tunuliaqutaasoq, Anders Møller Christensen oqarpoq.