Ilimmarfimmi ilinniarneq ullumi aallartissaaq
Silarsuarmut nutaamut matut ammarneqartussanngorput.
Studerende (arkivfoto)
Allattoq Sara K. Jakobsen
septembarip 01-at 2015 04:43
Nutserisoq Simon Uldum -
Ilisimatusarfimmi ilinniartut ullumi septembarip aallaqqaataani ilinniarnertik aallartissavaat, ilisimatusarfiullu ilinniartunngortut ilinniartooreersullu tikilluaqqussavai.
Ilisimatusarfiup rektoria Tine Pars ileqquusoq malillugu Ilimmarfiup kantiinaani oqalugiarluni tikilluaqqusissaaq.
- Ilisimatusarfimmi ilinnialertussarpassuit tikilluaqqunissaat qilanaareqaarput, Ilimmarfiup attaveqaqatigiinnermi ataqatigiissaarisua, Per Arnfjord, tusagassiorfinnut nalunaaruteqarluni taama allappoq.
Ilinniartut 174-it Ilisimatusarfimmi siorna ilinnialerput. Ukiormannalu amerlanerussanersut kisitsisaatigineqanngikkallarpoq.