Ilimmarfiliornissaq takoqqusaarutaasoq
Ilimmarfiup sananeqarnissaa pillugu kajumissaarusiaq qupperneq ataaseq atorlugu Sermitsiami ullumi saqqummersumi takuneqarsinnaasunut ilaavoq.
Tassani ilinniarfinni assigiingitsuni pisortat, tassa Tusagassiortunngorniarfimmi, Inunnik isumaginnittunngorniat, Katersugaasivik, Perorsaasunngorniat Atuarfiat, Groenlandica, Oqaasilerisut, Naatsorsueqqissaartarfimmi pisortaasut kajumissaaripput ilimmarfiup sananeqarnissaa pillugu.
Aningaasanut inatsisissaq Inatssiartut ippassaq oqaluuserimmassuk Ilimmarfiup sananeqarnissaa tikinneqanngitsuunngilaq. Inatsisartuni illuatungiliuttut isumaqarput Ilimmarfiup sananeqarnissaa kinguartinneqartariaqartoq, aningaasat 100 millioni koruunit siunertanut allanut atorneqartariaqartut oqaatigineqarluni.
Soorlu meeqqat atuarfiisa iluarsartuunerannut, inissianut nutaanut, utoqqaat angerlarsimaffiinut aningaasat atorneqarsinnaagaluartut illuatungiliuttut isumaqarput, IA-milu oqaaseqartoq Ane Hansen oqarpoq, ilimmarfiup sananeqarnissaa meeqqat atuarfiani iluarsartuusinissatut aamma pingaaruteqartigisoq.
