Kangerlussuaq: Ilaasut aallanngitsooqqasut patitsittakkani sinittariaqartut

Timmisartumut ilaasut 75-it Nuummut aallanngitsoornertik pillugu siniffinni patitsittakkani pingasunngornermi unnuisariaqarsimapput. Issittumi Sakkutooqarfik Facebookimi quppernermini taama allappoq.
Assi © : Arktisk Kommando
Allattoq Kenneth Elkjær
aggustip 17-at 2017 11:02
Nutserisoq Connie Fontain

Nuuk pingasunngornermi ualikkut unnukkullu putserlunilu silarluppoq. Taamaammat timmisartut Kangerlussuarmiit Nuuliartussat arlallit aallarsinnaasimanngillat.

Taanna ilutigalugu akunnittarfiit unnuisarfiillu takornarianit ulikkaaqqapput. Taamaammat Air Greenland eqqarsarluartariaqarsimavoq, Issittumilu Sakkutooqarfik ikiortiginiarlugu attavigaat.

Issittumi Sakkutooqarfiup Kangerlussuarmi eqaarsaartarfik ilaasunut 75-inut unnuiffiusinnaanngorlugu siniffinnik patitsittakkanik ilioraaffigalugu piareersarpaa.

Issittumi Sakkutooqarfiup, Air Greenlandillu allarpassuartullu Nuummut silassaq misissorpaat, ullunilu aggersuni silaqqittussaarpasinngilaq. Taamaammat siniffiit allanik aallarsinnaajunnaartoqarnissaanut piareersimatitsillutik patitsittakkat uningatiinnarniarallarpaat.

 

 

 

 

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq