Assi: KNR

Jess G. kommunip avinneqarnissaanut: Ilaasortagut illaatigineqartutut misigisimapput

Qaasuitsup Kommuniani atorfillik SIK-mut ilaasortat, kommunip avinneqarnissaanut atatillugu Aasiannut nuunnissamut soraarnissamulluunniit periarfissinneqarnerminni erseqqissumik nalunaarfigineqarsimanngimmata, SIK-p siulittaasuata, Jess G. Berthelsenip mamianartuutippaa. Tamanna tusagassiutinut nalunaarummini allappaa.

SIK-mut ilaasortat, Ilulissani atorfimmi Aasiannut, Kommune Qeqertaliup angerlarsimaffigiligassaanut nuunneqarnissaanut angiinnarsimasut arlariipput. Oktobarimimi nalunaaruteqarneq imaappoq, naaggaarunik suliffitsik annaassagaat.

Kingornalu paasineqarpoq atorfeqartut arlariit Aasiannut, Kommune Qeqertalimmut nuunnissaminnut itigartitsimasut. Taakku kommunip aappaani nutaami, Avannaata Kommuniani, Ilulissaniittussami atorfinipput.

AAMMA ATUARUK Forstå kommunedelingen i kroner og ører

Jess G. Berthelsenip ilaasortami Ilulissani atorfitsik tigummiinnarsinnaagaat qujassuteqarfigalugu tusagassiutinut nalunaarunni aallartippaa. Qujassuteqarnerani aamma killeqarpoq:

- Ilaasortarpassuavut suliffeerunniannginnamik pinngitsaalineqartutut misigisimallutik Kommune Qeqertalimmut nuunnissaminnut akuersipput. Maannalu uukapaatinneqarsimasutut misigisimapput, ima eqqarsalerlutik: Akuersisimassanngikkaluarama, taava Ilulissaniiginnarsimassagaluarpunga.

- Tupinnanngitsumik maannakkut illaatigineqartutut misigisimapput, Jess G. Berthelsen allappoq.

AAMMA ATUARUK Qaasuitsup Kommuniani sulisut Aasiannut nuukkusunngitsut

Kommunip avinneqarnerata suliarineqarnera sulisut qaammatini arlaqartuni siunissaminnut qularlutik, tarnimikkut nanertisimassutigilermassuk, SIK-p aamma isornartorsiorpaa.

- Kommunip sulisut pineqartut paasissutissilluarnerusimasariaqaraluarpai kommunimut nutaamut nuunnissamik neqeroorut akuerigaanni naaggaaraanniluunniit tamanna qanoq kinguneqassanersoq, Jess G. Berthelsen allappoq.

AAMMA ATUARUK Sulisut 22-t nuunneqassapput

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!