Ikuallattoqarnerani toqusut 100-ut sinneqalersinnaasut

Londonip politiivini pisortap Stuart Cundyp tamanna aarleqqutigaa. Illorsuulli pingasunngornermi ikuallanneranit taama amerlatigisut ajunaarsimannginnissaat kissaatigaa.

Tusagassiortunik sisamanngornermi katersortitsinermi taama oqartoq Reuters allappoq. 

Illorsuarlu ikuallassimasoq sapaatit akunnerini qaammatiniluunniit arlalinni misissorneqarsinnaasoq, politiit pisortaata aamma oqaatigaa. Ajunaarsimasut ilaat aamma kinaassusersinngitsoorneqarsinnaasut oqaatigineqarpoq.
Ikuallarujussuarnerani ikinnerpaamik 17-it ajunaarput.

Ministeriunerup Theresa Mayip illorsuup ikuallassimasup eqqaa sisamanngornermi alakkarpaa. Taassumalu pisoq alianangaartoq pisortanit misissorluarneqarnissaa naalakkiutigaa.

Qatserisartut 200-t missaanniittut qatserisartullu biilii 44-t ikuallannerup qaminniarnerani atorneqarput. Londonip qatserisartui Twitterikkut taama nalunaaruteqarput.
 
/ritzau/