Ikiuutissanik Syriamut assartuinerit Naalagaaffiit Peqatigiit unitsikkallaraat
Ikiuutissanik illoqarfimmut Aleppomut assartuisut saassunneqarnerisa kingunerisaanik Syriamut ikiuutissanik assartuinerit tamarluinnaasa unitsikkallarneqartut Naalagaaffiit Peqatigiit ilisimatitsissutigaat. Nutaarsiassaqartitsiviit arlallit taama allaaserisaqarput.
Timmisartup ataasinngormat saassussineratigut ikiuutissanik assartuillutik lastbiilinik ingerlatsisut aqqaneq-marluk toqutaapput.
Saassussinermullu Syriami naalakkersuisut Ruslandilu USA-mit pisuutinneqarput. Syriami akersuuttut akersuukkunnaarallarnissamik isumaqatigiissuteqarneranni saassussineq pivoq.
- Syriami ikiuutissanik assartuinerit tamarluinnaasa erngertumik unitsinneqarallarput, sillimaniarnikkullu pissutsit qanoq innersut paasisaqarfiginissaat maanna utaqqivarput, Naalagaaffiit Peqatigiit ikiuiniarnermut immikkoortortaata oqaaseqartartua danskiusoq, Jens Lærke, taama oqarpoq.
/ritzau/AFP