IKIU Tasiilamut Kulusummullu angalalerpoq
Aappariinnermut, soraarsitaanermut, inissianik attartukkanit anisitaanermut, taarsiissuteqartarnermut il.il. tunngasut pillugit ikiorneqarsinnaalluni.
Inatsisitigut Siunnersuisarfik Namminersortuutitaq IKIU, ataasinngorpat Tasiilamut Kulusummullu tikissapput. IKIU siullermeerluni Kulusummut tikissaaq.
IKIU Kalaallit Nunaanni angalanermini innuttaasut inatsisilerituumik siunnersuisartumik, suliani ingerlasuni ikiuussinnaasumik naapitsisinnaanissaannik siunertaqarpoq.
Akeqanngitsumik siunnersorneqarneq
Inatsisitigut akeqanngitsumik siunnersuisarnermut atatillugu IKIU nunatsinni angalasarnermini maanna illoqarfiit 16-it nunaqarfiillu 21-it tikereerpai.
IKIU ukiumoortumik Kalaallit Nunaanni paasititsiniaalluni angalanermini Tasiilaq aamma Kulusuk aggustip ulluisa pingajuannit tallimaannut tikinneqassapput.
Innuttaasut soqutiginnittut aggustip ulluisa pingajuani aamma sisamaani Tasiilami Sermersuup Eqqartuussiviani IKIU-mik oqaloqatigineqarsinnaapput kiisalu aggustip ulluisa tallimaanni Kulusummi Nunaqarfiup Allaffiani.