Ikiorsiissutinik ajornartorsiut aaqqiiviginiarneqarpoq
Sulinermik inuussutissarsiuteqartut suliunnaarallartitaasut ikiorsiissutinik pisartagaqarsinnaasaleqqullugit Naalakkersuisut aaqqiissuteqarniaqqullugit, SIK-ip siulittaasuata Jess G. Berthelsen kaammattuivoq. ajornartorsiummullu aaqqiissuteqarniarluni suliniarneq aallartereersoq Inuussutissarsiornermut Naalakkersuisoq Johan Lund Olsen oqarpoq.
-Ilaana ujartuinera paasisinnaavara. Taassuma aaqqiissuteqarfigineqarnissaa Inatsisartut upernaaq ataatsimiinneranni Ane Hansen-ip siunnersuuteqarfigaa, Naalakkersuisullu neriorsuipput aaqqiissuteqarfigineqassasoq.
- Taamaattumik Naalkkersuisuninngaanniit ajornartorsiut tamanna eqqumaffigineqarpoq, suliniutillu tassunga tunngasut aallartinneqareerput, Johan Lund Olsen oqarpoq. Tamatumunnga atatillugu
Johan Lund Olsen-ip assersuutigalugu oqaatigaa, peqqussut atuuttoq naapertorlugu Royal Greenlandi sulisitsisinnaannginnerup nalaani, sulisumi ikiorsiissutinik pisinnaannginnerannik ajornartorsiummut annikillisaaniarluni pikkorissarsitsisartoq.
