Qalerallit Ikilinerannut peqqutaasorineqartoq isumaqatigiinngissutigineqartoq

Qeqertarsuup Tunuani qalerallit amerlassusaat ukiup ataatsip ingerlanerinnaani affaannanngorsimasut aalisartut misigaat. Sinerissalli qanittuani aalisartut piniartullu kattuffiata S.Q.A.P.K-p tamanna ernumanartoqanngissorigaluaraat pinngortitaleriffimmi allatut isumaqarput.

- Qalerallit amerlassusaat siusinnerusumit ikinnerulersimasinnaapput, Pinngortitaleriffimmi uumassusilerisoq, Rasmus Nygaard oqarpoq.

Naatsorsueqqissaartarfik naapertorlugu Qeqertarsuup Tunuani 2017-imi qaammatini arfinilinni siullerni qaleralittarineqarsimasut 3016-iupput, siornalu qaleralittarineqarsimasut, 5760 tonsiusut affaannaraai.

AAMMA ATUARUK Avannaani qaleralinniarneq ajalusooratarsinnaasoq

Pinngortitaleriffiup misissuineri naapertorlugit qalerallit amerlassusaat piffissami sivisuumi ikiliartuinnavipput.

- Umiarsuatsinni misissuissummi misissuisarnitsinni ukiuni qulini ikiliartortut takusinnaavagut, tassanilu qalerallit oqinnerulersimapput ikilisimallutillu.

AAMMA ATUARUK Fortsat stop for kystnært hellefiskefiskeri ved Disko og Uummannaq

Taamaammat Qeqertarsuup Tunuani qalerallit 8000 tonsit 2015-imi 2016-imilu aalisarneqaqqunagit Pinngortitaleriffik kaammattuivoq. Pisassiissutilli 9200 tonsiupput.

Pinngortitaleriffiup qaleralittassiissutit 6400-imut apparneqarnissaat kaammattuutigigaluaraat pisassiissutit allanngortinneqanngillat. 

AAMMA ATUARUK Ulloq kalaallit qaleralinniartarnerannut pingaaruteqartoq

Sinerissalli qanittuani piniartut aalisartullu kattuffiata pisortaata qaleralinniarpallaarneq qalerallit ikilinerannut peqqutaasorinngilaa.

- Immap kissassusaa pissutaavoq. Kissarnerulersimaneranit qalerallit timmissallumi allamiilersimapput, pisortaq Erik Lange oqarpoq.

Pinngortitaleriffimmeersulli, Rasmus Nygaardip, tamanna isumaqatigivallaanngilaa, allanik peqquteqarsinnaasorigamiuk.

- Qalerallit avannaaniillutillu kujataaniipput, taamaammat immap kissassusaata gradimik ataatsimik marlunnilluunniit allanngornera amerlassusaanut allannguisuusorinngilara, Rasmus Nygaard oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!