Ikiaroornartoq pillugu suliami inuit aqqanillit tigusarineqartut
Ikiaroornartumik anngiortumik eqqussuisoqarneranik pasisaqarluni Nuummi politiit sivisujaamik misissuereerlutik Nuup ilaani Nuussuarmi pakasaallutik ippassaq unnukkut unnuarlu suligasuartinneqarput.
Arkivbillede
Allattoq Jonas Løvschall-Wedel
juulip 25-at 2017 08:51
Politiit tusagassiuutinut nalunaarummi taama allaaserisaqarput.
Inuit arlallit Nuummi Danmarkimilu tigusarineqartut nalunaarutigineqarpoq. Inuit katillugit aqqanillit tigusarineqarput, inissiallu arlallit pakasaalluni misissuiffigineqarlutik.
Tigusarineqartut nunatsinneersuusut, Nuummi politiit KNR-imut uppernarsarpaat. Nutaarsiassaqartitsiviup Ritzauip allaaserisaa naapertorlugu tigusarineqartut aqqanillit akornanni qulit Nuummeersuupput, ataaserlu Danmarkimeersuulluni.
Inuit arlallit Nuummi eqqartuussivimmi ullumi ullup ingerlanerani sassartinneqarumaartut Nuummi politiit naatsorsuutigaat. Politiit taassuma saniatigut annerusumik oqaaseqarumanngikkallarput.
AAMMA ATUARUK Nuummi politiit Qassuserfimmukartinneqartariaqarsimapput
