IA Siumullu paarlakaajaallutik ajugaasarput

Siumut taaguunneqarnerpaajuvoq Niuernermik Ilinniarfimmi ataasinngorneq septembarip aqqaneq aappaat qinersisuusaartitsisoqarmat. Tassani Siumut 54-nit taaguunneqarpoq Inuit Ataqatigiit 37-nit taaguunneqartut taaseqataasunit 106-nit. Siumukkormiuni Doris Jakobsen taaguulluarneqarnersaavoq 47-nit taaneqarami Inuit Ataqatigiinneersoq Sara Olsvig 36-nit taaguunneqartoq.

Taasinerit agguataarneri imaapput:
Siumut: 54
Inuit Ataqatigiit: 37
Demokraterne: 6
Atassut: 0

Nuummi GU-mi marlunngorneq septembarip 13-at qineqqusaartoqareersoq ilinniartut qineqqusaarfigineqarput tassanilu ilinniarnermut tunngassuteqartut ilinniartunit apersuutigineqarnerupput. Qineqqusaarneq naammassimmat qinersisuusaartitsisoqarpoq tassanilu Inuit Ataqatigiit taaguunneqarnerupput. Taasinerit partiinut taamaallaat agguataarneqarput.

Inuit Ataqatigiit 83-nit taaneqarput Siumukkut 62-nit taaneqartut taasinerit 219-it kisinneqarmata.

Taasinerit imatut agguataarneqarput:
Inuit Ataqatigiit: 83
Siumut: 62
Demokraterne: 28
Atassut: 17